امانه عليك يا قبر مايكون فيك حصى ولا طوب

امانه عليك يا قبر مايكون فيك حصى ولا طوب
جايلك ولد زين من غدر الزمان معطوب

بداية جصته كان لخدمة بلدة مطلوب
ولبى الندا كما لو من عاشج لمعشوج...
استلم مخلته والجايش ركبه بالمجلوب
لم صحبته بضحكته وجلبه كان طيوب

وقف خدمته والبرد فصص جتته
والشمس زودت سمارة على ايده وجبهته
اترجى لشاويش يااااااااااه على فرحته
عدت أيام ولا نام يوم على فرشته
صابر وراضى دا حتى ما بيختار لجمته
متحمل ليوم خروجه عشان دا يوم دخلته
خلصت الأيام وراجع عشان يسلم مخلته
اصل امه مستنياه ومحضراله زفته
ركب ويا صاحبه جصتهم زى جصته
وعقله كان مشغول وجلبه بينبض بفرحته
وفجأة غدر بيه شويه كلاب على غفلته
لا جدر يقول اه ه ه ه ولا طلعت صرخته
رجع لامه وبرضه صممت على زفته
وخدته فى حضنها وبوسته على جبهته
وجالت بصوت عالى يا محلى جنته
ودى كانت جصه صحابه إللى زى جصته
بس تعرفو
انه أتعلم يلبس الجايش بس مش بالمجلوب