شروحات مجانيه: نوفمبر 2014

الكلام دا بشكل علمى ... هنقول هو فعل الاستيلاء على قيمة السعة او العينة وتمثل بيها شكل ثابت من الموجات الصوتية ... كمية العينات الى بتتاخد من العمل فالثانية الواحدة دا الى بيتسمى بال sample rate

ارجع تانى لل frequency

الهندسة الصوتية كلها تتمحور حول الكلمة دى بما اننا بنتكلم عن صوت يبقى بنتكلم عن ترددات واشارات

يبقى العينة الى بتتاخد دى بتتاخد من الاشارة

فوكونا من الكلام دا مبيوكلش عيش

السيمبل ريت باختصار مش بس الرقم الى بتدخله للبرنامج للجودة لاء فهو يعتبر عملية البتر والايكولايزر والعمل على الفريكوينسى عموما قايمة على اخذ العينات بس احنا كبشر بنسمع التردد من 20 هيرتز ل 20 كيلو هيرتز

لما ادخل للبرنامج 44.1 كيلو هيرتز انا كدا بقله خلى حد التردد للملف الصوتى دا يقف عن الرقم دا

برضه فوكنا من الكلام دا عايز اعرف كل رقم فخانة السيمبل ريت دا معناه ايه فالبرنامج الى بشتغل بيه ولما استعمله بيعمل ايه وصح او غلط

هبدا على القيمة دى ... 44.1كيلو هيرتز

لو اتكلمت عن النشاة يبقى هقول ان دا السمبل ريت او فالحالة دى ان دا كان المعيار الى خلوه ايام مكان الانتاج على شريط كاسيت بس استخدم النسبة دى عشان تبقى هى معيار الجودة للكاسيت

دلوقتى بقا هى معيار الدودة للاسطوانة المدمجة معى 16 بيت bit depth

كدا عرفنا ان دى بتاعة جودة السى دى

طيب وال 48.000 هيرتز دى بتاعة الدى فى دى وخاصة تحديدا للفيديو

وال 88.200 دى ضعف جودة السى دى

واحد يقولى منا استعمل الجودة الاعلى ... هقولك باختصار العمل معى سيمبل ريت عالى بيعلى الجودة معى وجود معدات مبنية لاخراجه موجودة فالاستوديوهات الكبيرة بتدعم النسب دى بالنسبة للهوم استوديو العمل على النسب العالية هتاثر تاثير سلبى على العمل لانه زى مبيعلى الجودة الكلية بيزود حجم العمل وبيسحب باور اكتر من المعالج والرام ومعى الاجهزة المستخدمة فالهوم استوديو دا هيعمل عيوب فملف الصوت من ظهور ضجيج وتقطيع وتهنيج الكمبيوتر نفسه وبالتالى ممكن حدوث كراش او توقف تام مفاجىء للسوفتوير الى بتشتغل عليه يبقى العمل بتاعك طار ولا كسبنا جودة ولا يحزنون

يبقى نخلينا معى المعيار المناسب وبالميكس المناسب وجودة عملك ومهارتك انت جوه العمل نفسه هتطلع بجودة اكتر من ممتازة ومتنساش ان الجودة الى بنتكلم عليها بتفرق بفرق ارقام لترددات الاذن مش بتسمعها اولا بس بتفرق احنا بنقول عليها لمعان الصوت وتفتيحه ودلوقتى بالبلاج اينز بنعمل الموضوع دا فعملية الماسترينج واحنا شغالين وبنطلع جودة مقبولة لحد ما على الاقل ترضى المستمع

بتدور على الاعلى جيب امكانيات اعلى هاردوير طبعا بتدعم النسب الاعلى

ايه بقى ال bit depth

مش هعمل عنه مقدمة لان كلامة يختصر فى الفرق بين

16 bit

24 bit

32 bit

شوفت لما قولت فالسيمبل ريت العمل معى الاقام الكبيرة بياثر سلبا لاء يا كبيير هنا العكس فالبيت ديبث كل ما الرقم زاد كل ما الجودة زادت بس برضه لازم يبقى عندك هاردوير يدعم لو 16 بيت فلا ضرر من اختيار 24 او 32 انا كشخص اعمل على كارت صوت يدعم 24 انا بختارها فالاخراج صراحا بس لو اختارت ال32 مش هتفرق لو اخترت اقل هيطلع الصوت مكتوم لسبب لانى سمعته مختلف جوه الدو او البرنامج لانه وقتها بيعمل على امكانيات البرنامج والكارت المتوافر او الانترفيس فلو طلعته اقل اكيد هحس بخلل

ارجو ان اكون قد وفقت فالشرح او توصيل الفكرة

رجاء ذكر المصدر عند النقل .... معى تمنياتى لكم بالتوفيق